fbpx
Þriðjudagur 30.nóvember 2021
Fókus

Getur ekki æft vegna brjósta- og rassastærðar: „Fer í fitusog á sex mánaða fresti til að halda mér í formi“

Guðrún Ósk Guðjónsdóttir
Föstudaginn 11. september 2020 10:53

Mynd/The Sun

Ekki missa af Helstu tíðindum dagsins í pósthólfið þitt

Lesa nánar

Amber Mavy hefur eytt yfir sjö milljón krónum í fegrunaraðgerðir og segist vera orðin háð þeim. Hún hefur farið þrisvar sinnum í rassalyftingu og ferðast til Belgíu þegar læknar í Bretlandi neituðu að stækka brjóstin hennar jafn mikið og hún vildi.

Amber er 22 ára fyrirsæta frá Bretlandi og fór í sína fyrstu fegrunaraðgerð þegar hún var nítján ára. Hún segir að ástæðan fyrir því að hún gengst undir svona margar fegrunaraðgerðir sé óöryggi frá unglingsaldri.

„Ég hef glímt við átraskanir og stundað jójó-megrun grimmt, og var bara óörugg eins og margar unglingsstúlkur eru nú til dags, en í dag er ég hamingjusöm,“ segir hún í viðtali við Fabulous Digital. „Ég er sönnun þess að fegrunaraðgerðir geta haft jákvæðar afleiðingar.“

Amber hefur farið í nokkrar brjóstastækkanir, fitusog víðs vegar um líkamann og á kynfærum, aðgerð á nefi og þrjár rassalyftingar. Hún er einnig með fylliefni í vörum, kjálka, kinnum og höku. Svo fær hún sér reglulega bótox.

Hún fór í síðustu brjóstastækkunina erlendis þar sem læknar í Bretlandi neituðu að setja eins stóra púða og hún vildi.  Stærstu púðarnir sem eru leyfilegir í Bretlandi eru 1000cc púðar, en hún ferðaðist til Belgíu og fékk sér 1650cc púða í hvort brjóst.

Amber er með fylliefni og bótox í andliti.

Þegar Amber var yngri vildi hún vinna með dýrum, en nú vill hún vera fyrirsæta. „Ég fékk skyndilega fullt af fylgjendum á samfélagsmiðlum eftir að ég stækkaði brjóstin mín. Þetta varð eiginlega alveg klikkað. Ég er ekki heimsk, ég veit að þetta eru menn með blæti (e. fetish) sem eru svona hrifnir af risastóru brjóstunum mínum og stóra rassinum mínum,“ segir hún.

„Þeir elska líkama minn svo mikið að þeir hafa meira að segja boðist til að borga fyrir aðgerðirnar.“

Amber selur einnig myndir á OnlyFans.

Amber segir að það sé þó einn galli við allar fegrunaraðgerðirnar. Hún getur ekki farið í ræktina.

„Rassinn minn og brjóstin mín eru of stór til að æfa. Í staðinn fer ég í fitusog á sex mánaða fresti til að halda mér í formi,“ segir hún.

Amber áður en hún byrjaði að gangast undir fegrunaraðgerðir.

Amber telur sig hafa eytt rúmlega sjö milljón krónum í fegrunaraðgerðir og viðurkennir að hún sé orðin háð því að breyta útliti sínu. „Það er erfitt að hætta þegar þú ert byrjuð,“ segir hún.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 2 dögum

Kynntist konu á barnum og tók afdrifaríka ákvörðun – Nú veit hann ekki hvað hann á að gera

Kynntist konu á barnum og tók afdrifaríka ákvörðun – Nú veit hann ekki hvað hann á að gera
Fókus
Fyrir 2 dögum

Konan sem giftist sjálfri sér ætlar að skilja – Kynntist öðrum

Konan sem giftist sjálfri sér ætlar að skilja – Kynntist öðrum
Fókus
Fyrir 3 dögum

Sjónhverfing skiptir fólki í fylkingar – Eru hringirnir að færast til hliðar?

Sjónhverfing skiptir fólki í fylkingar – Eru hringirnir að færast til hliðar?
Fókus
Fyrir 3 dögum

Hanna Björg skrifar opið bréf til gerenda – Með tillögur fyrir þá sem vilja gera betur

Hanna Björg skrifar opið bréf til gerenda – Með tillögur fyrir þá sem vilja gera betur