Kynlífssérfræðingurinn Lahnee Pavlovich vinnur við það að gefa typpum dóm, eða einkunn. Hún býður mönnum að senda mynd af kynfærum sínum og 50 dollara (um það bil 7000 krónur) og í staðinn fá þeir ítarlega einkunn og góð ráð frá henni um hvernig sé best að beita sér, til dæmis hvaða kynlífsstellingar ættu að henta þeim vel. Frá þessu greinir The Mirror.
Lahnee er 33 ára móðir frá Ástralíu. Hún hefur unnið sem kynlífsþjálfari í um það bil þrjú ár og stundar einnig nám í kynfræði (e. sexology). Starf hennar er margsháttar, en vinsælasta þjónustan sem hún veitir er áðurnefndir typpa-dómar
„Fólk skilur ekki alltaf alveg hvað það er sem ég geri, þar sem að kynlíf er ennþá mjög taboo umræðuefni. Enginn veit hvernig á að spyrja.“
„Viðbrögðin sem ég fæ eru að mestu leiti jákvæð og ég verð alltaf vinkonan sem er spurð út í kynlífsráð. Fólk á auðvelt með að opna sig fyrir mér þegar það kynnist mér.“
Lahnee segir að viðskiptavinir hennar séu mjög fjölbreyttir. Hún ráðleggi ungum mönnum, pörum á fertugs aldri og mömmum á fimmtugs aldri. Hún segir að konur hafi oft áhyggjur af því að geta vakið upp neistann, en að karlmenn séu sífellt að reyna að átta sig á því hvernig þeir geti veitt maka sínum nautn.
Hún er gift manni og segir að kynlífsævintýri þurfi alls ekki að enda eftir barnsburð.
„Eiginmaður minn og ég höfum átt í mjög spennandi sambandi, þar sem að við prófum okkur áfram kynferðislega. Samband okkar er ótrúlegt, bæði í svefnherberginu og utan þess. Við erum líka foreldrar sem sannar að kynlíf þarf ekki að enda vegna krakkana.“