Rokkstjarnan Ozzy Osbourne er nær óþekkjanlegur á nýjum myndum. Þetta er í fyrsta skipti í langan tíma þar sem hann sést á almannafæri. Í janúar á þessu ári opnaði Ozzy sig um að hann hefði greinst með taugasjúkdóminn Parkinson. .
Ozzy greindist með tegund tvö af sjúkdómnum og sagði hann að ekki sé um dauðadóm að ræða, þó sjúkdómurinn hafi óneitanlega alvarleg áhrif á líkamann. „Ég hafði aldrei heyrt um sársauka í taugum og það er skrítin tilfinning,“ sagði hann.
Myrkraprinsinn þurfti að fresta tónleikaferðalagi sínu um heiminn og hefur mikið haldið sig innandyra undanfarna mánuði.
Það sást til Ozzy í Los Angeles í gær. Hann var í bíl með eiginkonu sinni, Sharon, og beið hann í bílnum á meðan hún fór inn í verslun. Ozzy er nær óþekkjanlegur á myndunum. DailyMail greinir frá. Rokkarinn er þekktur fyrir svörtu löngu lokka sína sem eru nú gráir. Hann var einnig með hárið í tagli.
Sjáðu myndirnar hér að neðan.