„Þetta er hugmynd sem ég haft í dágóðan tíma en það sat langt inni að láta verða af þessu. Nú í sumar hefur COVID haft þau áhrif á mig að ég hef látið meira vaða og bara framkvæmt hugmyndirnar frekar en að halda þeim í draumóraheiminum. Enginn tími er betri en núna,“ segir Dóra Björt Guðjónsdóttir oddviti Pírata í samtali við DV en hún breytti til á dögunum og skartar nú ljósu hári. Dóra „frumsýndi“ nýja hárið á Facebooksíðu sinni fyrr í dag og líkt og sjá má er breytingin talsverð.
Dóra hefur alltaf verið dökkhærð og segist einfaldlega hafa þyrst í tilbreytingu. Hún er svo sannarlega sátt með útkomuna.„ Ég þarf samt að fara aftur til að klára verkið enda, er það flókið að ná alveg rétta litnum í einni umferð þegar þú ferð úr alveg dökku í alveg ljóst,“ segir hún í samtali við DV.
„Ég er aðallega sátt við að hafa hætt að ofhugsa þetta og farið að framkvæma. Ýmsar hugsanir komu upp í tengslum við þetta eins og allir ljóskufordómarnir og hver áhrifin gætu orðið á vinnuna mína en ákvað að gefa skít í það allt og sýna frekar fram á að þetta er kjaftæði,“ segir Dóra síðan en hún hyggst að sjálfsögðu kanna hvort máltækið „Blondes have more fun“ („Ljóskur skemmta sér betur“) eigi rétt á sér.
„Við getum einmitt sagt að þetta sé á sama tíma smá félagsfræðilraun til að skoða hvort það sé eitthvað til í þessu!“