Teitur Atlason fulltrúi hjá Neytendastofu elskar gott sjónvarpsefni og er smekkur hans ákaflega fjölbreyttur og hress eins og hann sjálfur. Hans fimm uppáhaldsþættir eru langt frá því að vera fyrirsjáanlegir en á listanum er að finna allt frá grjóthörðu fréttaefni yfir í súrt barnaefni.
1 Tiger King – Bestu þættir um versta fólk sem finna má í Oklahoma.
2 Breaking Bad – Walter White og Jessie Pinkman mynda besta vinapar í sjónvarpssögunni. Frábærar andstæður. Frábær leikur. Frábærir þættir.
3 Dallas – Ekkert haggar greiðslunni á Bobby Ewing. Lyktin af brunnu tefloni fyllir vitin og innan úr þokunni mætir Punk Anderson í ljósbláum jakkafötum.
4 Kveikur – Sjónvarpsþættir sem breyta Íslandssögunni í hverri viku.
5. Svampur Sveinsson – Súrasta barnaefni á jörðinni. Frábær húmor á yztu nöf. Eins og Gúmmíbangsarnir á chrystal meth.
