Þessa stundina fara fram úrslit MORFÍs, Mælsku- og rökræðukeppni framhaldsskóla á Íslandi. Umræðuefnið að þessu sinni er Lýðræði og skólarnir sem keppast að eru Flesborgarskólinn sem mælir með og Menntaskólinn við Hamrahlíð sem mælir á móti.
Þegar að þessi frétt er skrifuð er fyrri hluti keppninar búinn. Fyrri hluti keppninnar var svo sannarlega sérstakur, en svo virðist vera að MH hafi lagt meiri áherslu á skemmtanagildið heldur en sjálf rökin. Lið MH hefur farið um víðan völl og rætt um samsæriskenningar, fiska, banana í eyrum og Sjálfstæðisflokkinn.
Athygli vekur að dómsmálaráðherra, Áslaug Arna Sigurbjörnsdóttir, er fundarstjóri.
Heimildarmaður DV sem er viðstaddur telur það víst að Flensborgarskólinn muni bera sigur úr býtum, en að Menntaskólinn við Hamrahlíð sé að vinna hjörtu áhorfenda. Sjón er sögu ríkari, en keppnina má sjá hér að neðan.
