fbpx
Laugardagur 05.desember 2020
Fókus

Sjáðu stórskotalið Íslenskra tónlistarmanna syngja nýtt lag um COVID

Fókus
Þriðjudaginn 7. apríl 2020 20:20

Ekki missa af Helstu tíðindum dagsins í pósthólfið þitt

Lesa nánar

Margir af helstu tónlistarmönnum þjóðarinnar hafa komið saman til þess að hvetja fólk til að vera heima þessa daganna vegna COVID-19. Þetta gera þau í eina og sama laginu sem ber nafnið Ferðumst innandyra. Lagið er cover af laginu Che, sem Íslendingar þekkja sem Góða ferð.

Tónlistarmennirnir sem koma fram eru: Birgitta Haukdal, Friðrik Dór, Glowie, Greta Salóme, Haffi Tempó, Halldór Gunnar Pálsson, Helgi Björnsson, Hildur Vala Einarsdóttir, Ingó Veðurguð, Jóhanna Guðrún Jónsdóttir, Jón Gunnar Geirdal, Jón Jónsson, Jón Ólafsson, Króli, Kristján Steinn Leifsson, Leifur Geir Hafsteinsson, Ragnhildur Gísladóttir, Saga Júlía Benediktsdóttir, Salka Sól, Sighvatur Jónsson. Auk þeirra koma þau Alma Möller land­lækn­ir, Víðir Reyn­is­son yf­ir­lög­regluþjónn hjá Rík­is­lög­reglu­stjóra og Þórólf­ur Guðna­son sótt­varna­lækn­ir fram í myndbandinu.

Myndbandið var tekið upp á snjallsíma hvers og eins tónlistarmanns, en þau fengu eftirfarandi leiðbeiningar:

  1. Við sjáum fyrir okkur að yfirbragð myndbandsins verði í „verum heima“ stílnum, þ.e. heimilislegt, eðlilegt og tilgerðarlaust.
  2. Endilega verið frjó í því hvar þið takið upp, látið vaða á skemmtilegar hugmyndir og hafið í huga að boðskapur lagsins er jú að búa til ævintýri úr hversdagsleika heimilisins.
  3. Hafið símann í uppréttri „Portrait“ stöðu.

Hér að neðan má bæði sjá myndbandið við lagið og textan.

Þú veist það eru viðsjárverðir tímar

með landamæri lokuð víðast hvar

En sútum ekki örlög, heldur húkkum okkur far

Í ferðalag og freistum gæfunnar

 

Góða ferð, góða ferð, góða ferð

þetta‘er tækifæri‘af allra bestu gerð

Já tínum til vort trúss og ferðumst innanhúss

Góða ferð, verum sæl með góða ferð

 

Í tveggja metra fjarlægð kæri vinur

og ekki fleiri‘ en nítján á sama stað

Í takmörkunum lífsins þá líst mér best á það

að bregða mér í ilmolíu-bað

 

Góða ferð, góða ferð, góða ferð

þetta‘er heima-SPA af allra bestu gerð

Oh við elskum svona stúss, að dúllast innanhúss

Góða ferð, verum sæl með góða ferð

 

Ef leiðigjörn er orðin blessuð stofan

og eldhúsið svo hversdagslegt og grátt

Þá ævintýrin bíða, það toppar enda fátt

góða bílskúrsútilegu, yfir nátt

 

Góða ferð, góða ferð, góða ferð

þetta‘er útilega af allra bestu gerð

Já tínum til vort trúss og kúrum innanhúss

Góða ferð, verum sæl með góða ferð

 

Nú þurfa allir þétt að standa saman

og koma COVID-stríðinu á skrið

Ef efla viljum lýðheilsu og finna sálarfrið

Við hlýðum Víði og ferðumst heima við!

 

Góða ferð, góða ferð, góða ferð

þetta‘er upplifun af sérstökustu gerð

Já, fáum úr því rúss, að ferðast innanhúss

Góða ferð, verum sæl með góða innanhúsferð

Góða ferð, verum sæl með góða ferð

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 3 dögum

Hreinskilinn pistill móður slær í gegn – „Börnin mín eru stundum fávitar“

Hreinskilinn pistill móður slær í gegn – „Börnin mín eru stundum fávitar“
Fókus
Fyrir 3 dögum

Margrét var komin með 99 þúsund fylgjendur en á mjög slæmum stað – „Var á barmi þess að fá hjartaáfall“

Margrét var komin með 99 þúsund fylgjendur en á mjög slæmum stað – „Var á barmi þess að fá hjartaáfall“
Fókus
Fyrir 4 dögum

Greip kærastana glóðvolga við framhjáhald

Greip kærastana glóðvolga við framhjáhald
Fókus
Fyrir 4 dögum

Vill gera báðar kærusturnar óléttar á sama tíma

Vill gera báðar kærusturnar óléttar á sama tíma