Facebook getur verið frábær dægrastytting og hægt að finna þar stórkostlega sértæka hópa til þess að gerast meðlimur í til þess að stytta sér stundir. Chertrúarsöfnuðurinn komst til dæmis nýlega í fréttirnar en þar deilir fólk eingöngu orðabröndurum sem snúast um söngkonuna Cher.
Facebook býður einnig upp á sérstaka hópa þar sem hægt er að auglýsa notaða hluti til sölu eða gefins, staði þar sem fólk getur skiptst á ráðum varðandi plöntur og gæludýr og margt fleira. Samskipti inni á slíkum hópum geta verið með ýmsu móti, bæði afar hjálpleg en einnig alls ekki svo hjálpleg…
Og stundum getur Facebook líka gert mann alveg gráhærðan. Nettröll eiga þar sjö dagana sæla og tjá sig með óviðeigandi athugasemdum. Þá virðist vera til töluvert af fólki sem tjáir sig óhindrað í kommentakerfum Facebookhópanna, að því er virðist, algerlega án þess að hafa lesið almennilega það sem það er að setja athugasemd við.
„Hjálplegustu“ kommentin, er stórskemmtilegur hópur þar sem meðlimir deila „hjálplegum“ athugasemdum sem þeir eða aðrir hafa fengið frá nettröllum, fyndnu fólki eða fólki sem hefir einfaldlega ekki haft fyrir því að lesa það sem það er að kommenta á.
„…dýrka þegar fólk kemur með random pælingar eða minningar við fréttir. Sérstaklega fréttir um eitthvað ömurlegt og kommentið kemur út eins og viðkomandi hafi enga samkennd.“
