Áramótaheit eru jafn misjöfn og þau eru mörg, og margir sem skipta sér í raun ekkert af slíkum fyrirheitum. Þorsteinn Víglundsson, þingmaður Viðreisnar, hefur hins vegar sett sér metnaðarfullt áramótaheit. Hann stefnir á að hjóla eigi sjaldnar en 150 sinnum til og frá vinnu á árinu frá heimili sínu í Garðabæ. Það eru um þrjú þúsund kílómetrar, en í fyrra hjólaði Þorsteinn um 1.600 kílómetra í sömu erindagjörðum. Alls eru um níu kílómetrar á milli vinnustaðar og heimilis Þorsteins og mun hann því eyða um fimmtán hundruð klukkustundum á hjóli á þessu ári, eða rúmlega sextíu dögum – ef hann hjólar nokkuð rösklega og færð er góð.