Hrafn Jónsson, pistlahöfundur og kvikmyndagerðarmaður, deildi í dag mynd sem hefur vakið mikla athygli á Twitter. Myndin er úr húsi sem stendur við Kjartansgötu í miðbæ Reykjavíkur. Húsið er hið eðlilegasta að utan en Hrafn vekur athygli á óvenjulegum innanhússarkitektúrnum. „Hvernig líst þér á hönnunina á svefnherberginu? Þetta er í áttina, en væri hægt að láta það vera meira eins og 90s baðherbergi?“ skrifar Hrafn með myndinni sem hefur fengið mikinn fjölda athugasemda.
„Það þyrfti tarantúlu uppí rúminu til að ég stígi fram úr á þessar flísar,“ segir ein. „Svona halda vampírur að mannfólk vilji hafa svefnherbergi,“ segir annar. Þá segir einn að svefnherbergið minni hann á þátt úr Black Mirror sjónvarpsseríunum. „Mér verður kalt við að sjá þetta,“ segir þá annar. Þá bendir Guðmundur Jörundsson, sem er hvað þekktastur fyrir að stofna fatamerkið JÖR, á óvenjulega staðsetningu fataskápsins. „Geggjað touch. Endalaust veggpláss en setjum hann fyrir gluggann.“
Hvað segja lesendur? Er þetta óvenjulegt eða flott?