Hann stofnaði The Icelandic Milk and Skyr Corporation í Bandaríkjunum árið 2006 og hóf fljótlega sölu á skyri undir vörumerkinu Siggi’s skyr. Í byrjun síðasta árs seldi Siggi síðan fyrirtækið til franska mjólkurrisans Lactalis.
Siggi er greinilega að njóta lífsins þessa dagana ef marka má mynd sem Twitter notandinn Hans Orri deildi í gær. Á myndinni má sjá Sigga í góðu yfirlæti á úrslitaleik US Open. Hann er heldur betur í góðum félagsskap en með honum er stórleikarinn Alexander Skarsgård.
Bara Siggi Skyr og Aleksander Skarsgård að tjilla saman á úrslitaleik @usopen pic.twitter.com/wWsPKq2WNm
— Hans Orri (@hanshatign) September 8, 2019
Alexander Skarsgård er hvað þekktastur fyrir leik sinn í sjónvarpsþáttunum True Blood en þar lék hann vampíruna Eric Northman. Hann lék einnig í sjónvarpsþáttunum Big Little Lies en auk þess lék hann Tarzan í myndinni The Legend of Tarzan.