Sveinn segir frá þessu í færslu á Facebook en þar segir hann frá því þegar hann framdi menningarnám á dimmiteringunni sinni. Hann segir sig og bekkjarsystkini sín ekki hafa áttað sig á því á sínum tíma að þetta væri ekki í lagi. Í dag vita þau þó betur og sjá eftir uppátækinu.
„Við dimmisjón 1983 vorum við bekkjarsystkinin klædd eins og Mansjúrar og málaðir í framan til að ná hörundslit þeirra. Á þeim tíma áttuðum við tilvonandi stúdentar okkur ekki á því að gjörningurinn væri rasískur. Við vitum betur í dag og því sjáum við auðvitað eftir uppátækinu. Fyrir hönd okkar bekkjarsystkinanna í 6-R þá bið ég vini okkar frá Mansjúríu afsökunar á þessari móðgun, sem og alla þá sem á sínum tíma og löngu síðar hafa hneykslast á uppátækinu. Tekið skal fram að okkar búningur var rauður og talsvert fallegri en þessi.“
