Við hjá Fókus erum dyggir aðdáendur Bryndísar Lífar. Ekki nóg með að hún heldur úti vinsælum Instagram-aðgangi með tæplega 22 þúsund fylgjendur, þá er hún líka einlæg og klár kona í háskólanámi og tekur vinnuna sína alvarlega. Kjarnakona að okkar mati.
Bryndís Líf var nýverið í viðtali hjá DV og ræddi meðal annars um samfélagsmiðla, fyrirsætustörfin og #FreeTheNipple.
Hún birti nýlega mynd sem kveikti í Instagram og vakti mikla athygli. En nú hefur hún slegið öll met og birt djörfustu mynd sína hingað til.
Á myndinni er hún nakin og í sturtu.
https://www.instagram.com/p/B2hUkq7gkhr/
„Þannig ég fór í sturtu í dag,“ skrifar hún með myndinni.
„Það er eins og [nekt] sé tabú hérna á Íslandi að mínu mati. Eins og þetta sé eitthvað nýtt. En ég fylgi alveg áhrifavöldum að utan og þá er þetta bara fullkomlega eðlilegt, kannski af því að þar er heitara, ég veit ekki. En mér finnst þetta svona „free-spirited“ dæmi, að láta ekki einhvern annan hefta mig því þeim finnst þetta ekki í lagi,“ sagði Bryndís Líf við DV fyrir stuttu.
