Indverska prinsessan Leoncie er búin að gefa út nýtt lag og myndband. Lagið heitir einfaldlega Donald Trump og er því best lýst sem ástaróð til Bandaríkjaforseta.
„Donald Trump veitti mér innblástur til að semja þetta lag því hann er svo skemmtilegur og segir hlutina eins og þeir eru. Ég fíla jákvæðnina hans og hann lætur fólk hlæja,“ skrifar Leoncie við myndbandið á YouTube.
Í texta lagsins lofsyngur Leoncie Donald Trump, Bandaríkjaforseta og veltir jafnframt fyrir sér af hverju Hillary Clinton, forsetaframbjóðandi sem laut í lægra haldi fyrir Trump í síðustu forsetakosningum, sé með Trump á heilanum.
Hægt er að horfa á myndbandið hér fyrir neðan:
https://www.youtube.com/watch?v=Pkq1jiI1KZ0