Fyrirsætan Bryndís Líf er með rúmlega 21 þúsund fylgjendur á Instagram og hefur vakið athygli fyrir að birta djarfar myndir á miðlinum. Í viðtali við DV nýverið sagðist hún ekki skilja af hverju nekt á samfélagsmiðlum væri tabú.
„Það er eins og þetta sé tabú hérna á Íslandi að mínu mati. Eins og þetta sé eitthvað nýtt. En ég fylgi alveg áhrifavöldum að utan og þá er þetta bara fullkomlega eðlilegt, kannski af því að þar er heitara, ég veit ekki. En mér finnst þetta svona „free-spirited“ dæmi, að láta ekki einhvern annan hefta mig því þeim finnst þetta ekki í lagi.“
Nýjasta mynd Bryndísar er í djarfari kantinum og viðbrögðin eftir því. Eru nokkrir sem skrifa athugasemdir við myndina með eingöngu tjáknum (e. emojis); tjákn fyrir eld og eggaldin, en það síðarnefnda táknar getnaðarlim.
https://www.instagram.com/p/B2ZhF14A2H6/
Fylgjendum Bryndísar fjölgar jafnt og þétt og á dögunum var hún talsmaður #FreeTheNipple hreyfingarinnar, öllum að óvörum. Hún deildi mynd á Instagram og kom af stað umræðu um ritskoðun samfélagsmiðla á geirvörtum kvenna.
„Um daginn póstaði ég mynd og skrifaði með að ég ætti að vera með karlmanns geirvörtur í stað fyrir kvenmanns geirvörtur svo þær mættu sjást. Þetta var nú upp á flippið, en síðan horfði ég á þetta þannig að auðvitað er þetta fáránlegt. Mér finnst eins og maður ætti að fá að ráða því sem maður gerir. Mér er sama hvað öðrum finnst,“ sagði Bryndís í viðtali við DV fyrir stuttu.