Í gær deildi Tom Felton mynd á Instagram sem gjörsamlega fríkaði út netverja.
Á myndinni má sjá hann og Emmu Watson sitja á sófa, Emma heldur á gítar og Tom er að hjálpa henni með gripið.
https://www.instagram.com/p/B1WDOOaAiYJ/
„Fljót að læra,“ skrifaði hann með myndinni. Yfir milljón manns hafa líkað við myndina og fjöldinn allur skrifað við myndina.
Ástæðan fyrir spenningi netverja er von þeirra að það sé eitthvað rómantískt í gangi á milli leikaranna. En þau hafa verið góðir vinir frá tökum Harry Potter myndanna. Tom Felton fór með hlutverk Draco í Harry Potter myndunum, og Emma Watson með hlutverk Hermione.
„BRAD OG GAGA, gerið pláss,“ skrifaði einn netverji og var að vísa í brjálæðið sem tók yfir netheima þegar fólk var sannfært um að Bradley Cooper og Lady Gaga væru ástfangin.
Myndin er mjög saklaus. Þau virðast bæði vera í náttfötum og hafa það kósý, en það er nóg til að koma af stað orðróm um vinina.
Tom Felton deildi annarri mynd á Instagram fyrir nokkrum tímum síðan og sagði að Emma Watson hefði tekið myndina.
https://www.instagram.com/p/B1XfTq5Ae2O/
Við skulum bara bíða og sjá. Eins og DV greindi frá varð draumur aðdáenda ekki að raunveruleika þegar Lady Gaga sást með nýja kærastanum. Þannig ekki binda of miklar vonir við mögulegt ástarsamband Draco og Hermione!