fbpx
Mánudagur 21.október 2019  |

DV - Frjáls og óháður miðill

Fókus

Risaskjáir Ed Sheeran voru teknir niður á síðustu stundu – Öryggi gesta ógnað

Guðrún Ósk Guðjónsdóttir
Fimmtudaginn 15. ágúst 2019 16:00

Tónleikarnir í Laugardalnum. Mynd: Eyþór Árnason

Ekki missa af Helstu tíðindum dagsins í pósthólfið þitt

Lesa nánar

Eins og er líklegast flestum landsmönnum kunnugt þá voru tvennir Ed Sheeran tónleikar síðustu helgi. Tónleikarnir voru hluti af Divide tónleikaferðalagi söngvarans.

DV barst ábending um að sviðsmynd tónleikanna í Laugardalnum hafi verið mun minni en á öðrum tónleikum Divide tónleikaferðalagsins. Ed Sheeran kom með 55 gáma af búnaði til Íslands, meðal annars alla sviðsmyndina.

Á Íslandi voru engir risaskjáir sitthvorum meginn við sviðið eins og hefur verið. Mynd: Skjáskot/YouTube.

Aðilinn, sem hafði samband við DV, sagði að um „vörusvik“ væri að ræða að „flytja inn Ed Sheeran og Divide tónleikaferðalagið, en bjóða svo áhorfendum upp á 60 prósent af sviðsmyndinni.“

DV fór á stúfana og bar saman myndir frá tónleikunum á Íslandi og frá öðrum tónleikum úr Divide tónleikaferðalagi söngvarans. Það sem sást greinilega vanta á tónleikana í Laugardalnum voru tveir stórir hliðarskjáir.

Sviðsmyndin með öllu.
Hér má sjá hliðarskjáina.

DV sendi Senu, sem sá um tónleikana, fyrirspurn um málið. Þar kemur fram að hliðarskjáirnir voru settir upp en teknir niður á síðustu stundi af öryggisástæðum.

„Hliðarskjáirnir voru settir upp og það var auðvitað ætlunin að nota þá. En það þurfti því miður að taka hliðarskjáina niður aftur í kringum hádegi á laugardeginum því það var of mikill vindur. Vindurinn fór beint í bakið á þeim og það gat ógnað öryggi gesta. Öryggi gesta er ávallt í fyrirrúmi og aldrei teknar neinar áhættur með það,“ segir talsmaður Senu og bætir við.

„Sviðið var jafn stórt og er á öðrum Divide tónleikum Ed Sheeran. Það er eðlilegt og alvanalegt að gerðar séu hinar og þessar aðlaganir hér og þar til að aðlaga sig að viðkomandi tónleikastað en hér var ekki á neinn hátt um minnkaða útgáfu af sviðinu eða umgjörðinni eða um neinar stórar aðlaganir að ræða. Hvað varðar tækjabúnað þá var hann eins og á öðrum Divide tónleikum fyrir utan eins og áður sagði að það þurfti að fórna hliðarskjáunum til að tryggja öryggi gesta.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 2 dögum

Blæðingar á hlaupum mikið tabú: „Krampar, doði og höfuðverkir eru ekki svo velkomnir þegar tækla á maraþon”

Blæðingar á hlaupum mikið tabú: „Krampar, doði og höfuðverkir eru ekki svo velkomnir þegar tækla á maraþon”
Fókus
Fyrir 2 dögum

Þversagnir og götóttur söguþráður í Friends – Þessu tókstu líklega aldrei eftir

Þversagnir og götóttur söguþráður í Friends – Þessu tókstu líklega aldrei eftir
Fókus
Fyrir 3 dögum

Orri skýtur á þátt Gísla Marteins: „Hvernig væri að brjóta samkvæmið einu sinni upp?“

Orri skýtur á þátt Gísla Marteins: „Hvernig væri að brjóta samkvæmið einu sinni upp?“
Fókus
Fyrir 3 dögum

Brynjólfur Löve blæs á kjaftasögurnar: „Ég er það alls ekki“

Brynjólfur Löve blæs á kjaftasögurnar: „Ég er það alls ekki“