Það kemur fáum á óvart að þriðja sería Netflix-þáttanna Stranger Things hafi slegið rækilega í gegn, en nýjustu tölur sýna fram á að áhorfið hafi gengið vonum framar.
Frá og með deginum í gær höfðu rúmlega 40 milljónir notenda horft á seríuna og er það nýtt áhorfendamet hjá streymiveitunni, en þáttaröðin var gefin út á fimmtudaginn þann 4. júlí. Af þessum 40 milljónum hefur tæpur helmingur klárað seríuna á fyrstu fjórum dögunum. Þess má geta að næstvinsælasta serían sem framleidd er af Netflix var Umbrella Academy en 45 milljónir horfðu á seríuna á fyrsta mánuði hennar í sýningu.
Sjá einnig: Vissir þú þetta um Stranger Things?
Streymiveitan tilkynnti á Twitter að engin kvikmynd eða þáttaröð hefur fengið jafnmikið áhorf á jafnstuttum tíma.
.@Stranger_Things 3 is breaking Netflix records!
40.7 million household accounts have been watching the show since its July 4 global launch — more than any other film or series in its first four days. And 18.2 million have already finished the entire season.
— Netflix US (@netflix) July 8, 2019
Talið er líklegt að gefin verði út önnur sería en framleiðendur þáttanna hafa ekki staðfest þær fregnir um hvenær næsta næsta framhald muni líta dagsins ljós. Í ljósi þessarar gífurlegu aðsókn þykir þó afar ólíklegt að ekki verði haldið áfram með þessa stórvinsælu spennuþætti fyrr en síðar.