Ari Freyr Ísfeld Óskarsson leikari er búsettur í London. Hann hitti Will Ferrell og Rachel McAdams í gær til að kenna þeim íslensku. Hann greinir frá þessu á Twitter.

Í samtali við Vísi segir Ari að hann hafi verið fenginn til að kenna leikurunum íslenskan framburð. Will Ferrell og Rachel McAdams munu fara með hlutverk í nýrri Netflix mynd um Eurovision, og þurftu að læra íslensku fyrir myndina.

Í gær hitti ég Will Ferrell og Rachel McAdams til að kenna þeim íslensku.
Í dag er ég í svörtum jakkafötum og með byssu sem er búin til pappa og límbandi

— Ari Isfeld Oskarsson (@ariisfeld) July 31, 2019

Ari segir að að það er smá bútur af lagi í myndinni á íslensku og þurftu leikararnir hjálp með réttan framburð.

„R-in reyndust þeim erfið og sömuleiðis Þ-hljóðin í íslenskunni,“ segir Ari við Vísi.

Hann segir að það hafi verið óraunverulegt að hitta leikarana, enda um heimsfræga leikara að ræða.

Ari var spurður á Twitter hvort Will Ferrell væri hávaxnari en hann og svaraði Ari að „við erum jafnir að öllu leyti.“ Hann segir einnig á Twitter að hann hafi ekki mátt taka mynd af leikurunum.

Ekki er komið á hreint hvenær myndin kemur á Netflix, en við bíðum spennt!

Við erum jafnir að öllu leyti

— Ari Isfeld Oskarsson (@ariisfeld) July 31, 2019