Kristbjörg Jónasdóttir, einkaþjálfari, opnar sig um erfiði í nýjustu færslu sinni á Instagram. Kristbjörg er gift landsliðsfótboltamanninum Aroni Einari.

„Ég veit að það er langt síðan að ég deildi [á Instagram] og ég hef ekki verið að svara skilaboðum frá ykkur, en til að vera hreinskilin þá hef ég ekki verið í stuði fyrir það vegna þess að ég hef ekki fundið fyrir hvatningu,“ segir Kristbjörg á Instagram.

„Ekki fyrir svo löngu lenti ég á vegg. Síðustu mánuðir hafa verið svo klikkaðir og mér líður eins og ég hafi ekki enn getað meðtekið þetta allt.

Að vera að pakka, flytja, kveðja fólk og heimili okkar í Cardiff, ferðast (sem er mjög gaman en þreytandi líka), svo margar svefnlausar nætur, missa elsku ömmu mína og horfa á bestu vinkonu mína með krabbamein að berjast fyrir lífi sínu hefur verið erfitt, og samfélagsmiðlar hafa verið það síðasta sem ég hef verið að hugsa um.

Ég mun koma til baka en ég held að við öll höfum stundum gott af því að taka pásu frá samfélagsmiðlum og í lífinu, því það er svo auðvelt að gleyma sér í því sem er í gangi hérna.

Líður einhverjum líka svona stundum?“

https://www.instagram.com/p/BzcqdaFlWmB/

Vinkona Kristbjargar sem hún talar um er Fanney Eiríksdóttir, sem er aðeins 32 ára og berst við krabbamein.

https://www.instagram.com/p/Bu1C9VyFAm8/