Oft er miðaldra fólk ekki jafn kunnugt siðum og venjum samfélagsmiðlanna og fer því oft aðrar leiðir en yngra fólk myndi gera. Þar má nefna þegar fólk deilir færslum á síðuna sína sem var ætlað sem einkaskilaboð.
„Hópurinn þar sem öll eru miðaldra“ er hópur á Facebook þar sem fólk á ýmsum aldri gerir grín að þessu dæmigerða háttalagi miðaldra fólks á samfélagsmiðlum. Hópurinn inniheldur um 5000 manns þegar þetta er skrifað og nóg er af fyndnum og skemmtilegum færslum í hópnum.
Við tókum saman nokkrar af þessum færslum sem eru vægast sagt stórskemmtilegar.