Tónlistarmaðurinn og tískufrumkvöðullinn Kanye West hefur undanfarin fjögur ár unnið með Adidas að gerð YEEZY skónna. Skórnir eru mjög vinsælir en sum pörin seljast á yfir 100 þúsund krónur. Auk skónna framleiðir Adidas fleiri vörur í YEEZY tískulínunum eins og buxur, peysur og sokka.

Eins og má búast við græðir Kanye dágóðan pening á þessu. Í grein frá New York Times kemur fram að Kanye fær um 5% af öllum þeim tekjum sem koma frá Adidas samstarfinu.

Það er gert ráð fyrir að sölutekjurnar hjá YEEZY verði um 1,3 milljarður Bandaríkjadollara eða um 162 milljarðar íslenskra króna. Ef sölutekjurnar verða eins háar og gert er ráð fyrir mun Kanye græða um 65 milljónir Bandaríkjadollara eða um 8 milljarða í íslenskum krónum.

Hvorki Adidas né Kanye hafa tjáð sig um hversu mikið rapparinn fær í laun fyrir að hanna fatalínuna. Það er því nokkuð ljóst að Kanye þarf ekki að hafa áhyggjur af peningamálum á næstunni.