Kvikmyndastjörnur eiga það til að eyða háum fjárhæðum í hluti sem enginn skilur.
Russel Crowe er engin undantekning frá þessu en hann eyddi 35 þúsund dollurum í höfuð af risaeðlu. Þetta risaeðluhöfuð keypti hann af engum öðrum en Leonardo DiCaprio.
Crowe talaði um þetta í viðtali við SiriusXM
„Ég keypti það fyrir krakkana mína, og þú veist, ég var búinn með fullt af vodka þegar kaupin áttu sér stað.“
Þáttarstjórnandinn spurði Crowe hvernig þetta atvikaðist, hvort hann hefði bara orðið fullur, séð hausinn og ákveðið að kaupa hann.
Crowe neitaði því og útskýrði hvernig þetta fór fram.
„Ég held að DiCaprio hafi byrjað samræðurnar, hann sagðist hafa keypt nýjan haus og ætli að setja þennan á sölu. Þá tjáði ég honum bara að ég myndi kaupa gamla hausinn.“
Crowe segist ekki muna hvaða risaeðlu hausinn tilheyrði en hann seldi hausinn árið 2018.
„Ég held að verðmætið á hausnum hafi tvöfaldast síðan þá“
Crowe segir að þrátt fyrir að hafa verið undir áhrifum áfengis hafi hann verið að hugsa um krakkana sína þar sem þeir höfðu mikinn áhuga á risaeðlum.
“Krakkarnir voru svo hrifnir af risaeðlum á þessum tíma. Ég sagði bara: gjöriði svo vel, hérna er haus fyrir leikherbergið.“