Útvarpsstöðin Útvarp 101 birti skemmtilega grein fyrr í dag þar sem velt er upp hvaða einstaklingar væru tilvaldir sem þátttakendur í íslenskri útgáfu af bresku raunveruleikaþáttunum Love Island.
Þættirnir njóta gríðarlegra vinsælda í Englandi, en 3,6 milljónir manns horfðu á lokaþátt fjórðu þáttaraðar í lok sumars árið 2018. Fimmta þáttaröð hóf sýningar 3. júní síðastliðinn.
Þættirnir eru sýndir yfir sumartímann. Í þeim er hóp af ungu, fallegu, einhleypu fólki flogið til Mallorca, þar sem þau búa saman í lúxusvillu og hafa ekki samband við umheiminn. Fólkið parar sig saman og er markmið þáttanna að standa eftir sem ástfangnasta parið að mati áhorfenda. Vinningsupphæðin er 50 þúsund pund eða um 8 milljónir íslenskra króna.
Íslenskar útgáfur hafa áður verið gerðar af vinsælum erlendum þáttaröðum, má þar nefna Viltu vinna milljón, Idol stjörnuleit og Allir geta dansað. Það er því ekki loku fyrir það skotið að velja hóp af íslenskum ungmennum og koma þeim fyrir í lúxusvillu upp á öræfum í mánuð eða svo og sjá hvað gerist.
Á meðal keppenda sem Útvarp 101 nefnir til sögunnar eru Birgitta Líf Björnsdóttir og Sunneva Einarsdóttir kvennamegin og Kristófer Acox karlamegin. Lesa má um fleiri tilvalda þátttakendur í grein Útvarp 101 hér.
https://www.instagram.com/p/BvwLcaPlMKZ/
https://www.instagram.com/p/BydEZ-mgPFC/
https://www.instagram.com/p/BubxyOxAaMu/