„Ég hef verið einhleyp og er að deita þennan mann,“ sagði Vigdís Hauksdóttir, borgarfulltrúi Miðflokksins, er DV forvitnaðist um samveru hennar með manni að nafni Garðar Kjartansson. Myndin með fréttinni sýnir parið í sveitaferð fyrir þremur dögum.
„Við kynntumst í sólinni á Kanarí fyrir nokkrum mánuðum, þannig var að ég og Gísli bróðir héldum upp á afmælið okkar þá en við eigum sama afmælisdag. Þá streymdi fólk til okkar á veitingastaðnum að óska okkur til hamingju og Garðar var einn þeirra. Hann bauð mér síðan í afmælið sitt sem var líka haldið úti,“ segir Vigdís.
Garðar Kjartansson er sölufulltrúi hjá fasteignasölunni Trausti.
DV óskar parinu hamingjuríkrar samveru á þessu fallega sumri.