fbpx
Þriðjudagur 23.júlí 2019  |

DV - Frjáls og óháður miðill

Fókus

Plágan snýr aftur: „Þessi óféti bíta allt sem fyrir verður“ – Þetta þarft þú að vita til að losna við lúsmý

Fókus
Laugardaginn 15. júní 2019 11:00

Skjáskot af vef RÚV

Ekki missa af Helstu tíðindum dagsins í pósthólfið þitt

Lesa nánar

Lúsmý er mikil plága sem fyrst lét á sér kræla á Íslandi fyrir fjórum árum. Má segja að mýið hafi komið aftan að Íslendingum, en fyrstu fréttir af lúsmý fyrir fjórum árum voru harla dularfullar. Þá var greint frá undarlegum atburðum í sumarhúsum beggja vegna Hvalfjarðar þar sem gestir voru illa út leiknir. Í fyrstu var ekki vitað hver sökudólgurinn væri en seinna kom í ljós að þar var lúsmý að verki.

Lúsmý eru örsmáar flugur, aðeins um 1,5 millimetrar. Þetta eru blóðsugur sem nærast á öðrum smádýrum, en margir telja að bit lúsmýs séu verri en moskítóbit. Lítið er vitað um útbreiðslu lúsmýs á Íslandi. Þessar skæðu flugur virðast halda sig að mestu á Suðvestur- og Vesturlandi og í fyrra gerðu þær íbúum á höfuðborgarsvæðinu lífið leitt. Fjölmiðlakonan Hildu Helga Sigurðardóttir greindi nýverið frá því á Facebook að lúsmý væri farið að herja á íbúa í Hveragerði og þá kvörtuðu tónlistarmennirnir Karl Tómasson og Bubbi Morthens, sem búa báðir við Meðafellsvatn, undan bitum flugunnar.

Grill og vifta í vopnabúrið

Flugan er skæð og fer undir fatnað til að bíta og hefur fólk þurft að leita sér aðstoðar á heilsugæslu vegna ofnæmisviðbragða. Bólgan sem fylgir varir í nokkra daga. Best er að hreinsa bit með spritti eða kæla það, en nokkrir dagar geta liðið áður en bitin koma fram. Bitin valda gríðarlega miklum kláða og óþægindum.

Skordýrafræðingurinn Erling Ólafsson lumar á skotheldu ráði til að glíma við þennan vágest. Þar spilar kolagrill stórt hlutverk en aðferðina má lesa hér fyrir neðan:

Leggið kol í hring á grillinu, en gætið þess að loka ekki hringnum. Kolunum er raðað í tvöfalda röð, á tveimur hæðum. Kveikið í öðrum enda kolaskeifunnar, kolin kveikja síðan hvert í öðru og halda grillinu heitu alla nóttina. (Sjá mynd.)

Lokið efra spjaldinu á grillinu en hafið neðra spjaldið hálfopið.

Smyrjið lokið að utan með matarolíu.

Leggið lokið á grillið og leyfið mýinu að flykkjast að. (Sjá mynd.)

Best er sagt að nota þessa aðferð að næturlagi, í logni og þurrki.

Hægt er að nota grill til að drepa fluguna.

Þá sagði Guðríður Helgadóttir, garðyrkjufræðingur, í samtali við RÚV á dögunum að vifta gæti verið öflugt vopn í stríðinu gegn lúsmý.

„Það eru tvær leiðir, vera með góða viftu í herberginu þannig að loftið sé á hreyfingu því þá eiga þær erfiðara með að bíta. Einhverjir setja viftuna út í glugga og láta hana blása út um gluggann og svo er líka hægt að sofa dúðaður, þá komast þær ekki að, því þær verða að bíta á bert hörund,“ sagði hún.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 2 dögum

Óskar Ellert er látinn: „Það er einhver æðri máttur sem verndar mig“

Óskar Ellert er látinn: „Það er einhver æðri máttur sem verndar mig“
Fókus
Fyrir 2 dögum

Mynd dagsins: Helga Arnardóttir gengur með væntanlegt áramótabarn

Mynd dagsins: Helga Arnardóttir gengur með væntanlegt áramótabarn
Fókus
Fyrir 3 dögum

Eru þetta dýrustu fermetrar Reykjavíkur?

Eru þetta dýrustu fermetrar Reykjavíkur?
Fókus
Fyrir 3 dögum

Gerir teiknimyndasögur um hvernig það er að vinna í ferðaþjónustu á Íslandi: „Ég vil klappa hvölunum“

Gerir teiknimyndasögur um hvernig það er að vinna í ferðaþjónustu á Íslandi: „Ég vil klappa hvölunum“
Fókus
Fyrir 4 dögum

Rifnar gallabuxur eru ekki sniðugar í sólinni – Sjáðu myndirnar

Rifnar gallabuxur eru ekki sniðugar í sólinni – Sjáðu myndirnar
Fókus
Fyrir 4 dögum

Mynd dagsins: Hannes í skrautlegum hóp í Las Vegas

Mynd dagsins: Hannes í skrautlegum hóp í Las Vegas