Systurnar Kylie Jenner og Khloé Kardashian hafa tekið höndum saman enn á ný við gerð nýrra snyrtivara sem ganga undir nafninu Koko by Kylie Cosmetics.
Kylie og Khloé fóru að sjálfsögðu í myndatöku til að geta boðið upp á fallega kynningarmyndir fyrir snyrtivörulínuna, en aðdáendur stjarnanna á Instagram eru ekki par sáttir við hve mikið er búið að breyta myndinni. Telja einhverjir að gengið hafi verið of langt í fegrun á myndinni með hjálp Photoshop.
„Hvað kom fyrir andlitin ykkar? Þið hafið svo sannarlega horfið…svo sorglegt,“ skrifar einn aðdáandi við myndina og fleiri taka í sama streng – telja systurnar óþekkjanlegar:
„Ég fattaði ekki einu sinni að þetta væri Khloé og Kylie.“
„Þessi mynd er allt nema Kylie og Khloé.“
„Skrýtið. Þið lítið allt öðruvísi út í sjónvarpinu en á myndum.“
„Fótósjopp dauðans. Þið eruð of glæsilegar til að gera slíkt.“
Vert er að hafa í huga að flestar myndir á internetinu eru fótósjoppaðar af einhverju leiti. Myndina sem um ræðir má sjá hér fyrir neðan og dæmi nú hver fyrir sig hvort gengið hafi verið of langt: