Króli er nýjasti gestur Burning Questions hjá Áttunni. Þátturinn gengur út á að svara erfiðum spurningum. Þátturinn er á IGTV Áttan Miðlar.
Það ólöglegasta sem Króli hefur gert var að keyra bílprófslaus eftir að hann missti bílprófið. Hann sagðist einnig hafa keyrt bílprófslaus viku áður en hann fékk bílpróf.
Aðspurður hvað sé það heimskulegasta sem hann hefur gert og af hverju það sé heimskulegt svarar Króli:
„Ég hef gert ótrúlega margt heimskulegt […] Það sem maður verður að læra að þú getur ekki verið pirraður við þig í fortíðinni yfir upplýsingum sem þú veist í nútíðinni. Eitthvað sem ég hefði átt að hugsa í gegn var að ég spilaði fyrir stjórnmálaflokk þegar ég var mjög ungur og vissi ekki hvað ég var að fara út í. Þá spilaði ég fyrir málstað sem ég studdi ekki, eða málstað, ég spilaði fyrir stjórnmálaflokk.“
Króli tekur það svo fram að hann hafi aldrei verið „blár“ og á þá líklegast við Sjálfstæðisflokkinn. „Ekki fræðilegur,“ segir Króli.