Söng- og leikkonan Doris Day lést í nótt á heimili sínu í Kaliforníu. Hún var 97 ára að aldri, en aðeins er rúmlega mánuður síðan hún hélt upp á 97 ára afmæli sitt. Associated Press segir frá.
BREAKING: Doris Day, whose wholesome screen presence stood for a time of innocence in '60s films, has died, her foundation says.
— The Associated Press (@AP) May 13, 2019
Doris hafði ekki verið áberandi í sviðsljósinu síðustu ár og einbeitti sér frekar að góðgerðarstarfsemi en söng og leiklist. Doris var ein skærasta kvikmyndastjarna heimsins um miðbik síðustu aldar og var tilnefnd til fjölda verðlauna, til dæmis Óskarsverðlauna, sem hún neitaði ávallt að taka við.
Doris fæddist þann 3. apríl árið 1922 í Cincinnati í Ohio í Bandaríkjunum og hét réttu nafni Doris Mary Ann Kappelhoff. Hún byrjaði að syngja sem táningur og fór í fyrstu áheyrnarprufuna hjá Warner Bros árið 1947. Í kjölfarið fylgdu ýmiss hlutverk, en hún er hvað þekktust fyrir leik sinn í kvikmyndunum The Man Who Knew Too Much, Pillow Talk og Move Over, Darling.