Eins og flestir vita er lagið Hatrið mun sigra með hljómsveitinni Hatara framlag Íslands í Eurovision í Ísrael í maí. Ljóst er að lagið er gríðarlega vinsælt hér á landi og víðar. Sérfræðingar eru farnir að spá laginu góðu gengi og er allt útlit fyrir spennandi keppni framundan í næsta mánuði.
Á YouTube rásinni Reversed Music hefur laginu alræmda verið hlaðið upp og má heyra hvernig það hljómar afturábak.
Það er víða þekkt í tónlist að tónlistarmenn útbúi sérstaka texta til að komi upp dulin skilaboð í lögum þegar þau eru spiluð afturábak. Oft er þetta kennt við eins konar djöfladýrkun, en það er vissulega undir hlustandanum að dæma.
Er Hatari að segja okkur eitthvað?