Hrafnkell Hjörleifsson eignaðist son með Þyrí Huld Árnadóttur, dansara, í gær, 22. apríl. Er þetta fyrsta barn parsins, en það er amma drengsins, Ingibjörg Sólrún Gíslasdóttir, forstjóri Lýðræðis- og mannréttindaskrifstofu Öryggis- og samvinnustofnunar Evrópu og fyrrverandi borgarstjóri, sem tilkynnir þetta á Facebook.
„Í dag, 22 apríl, kom lítill Hrafnkels- og Þyríarsonur í heiminn. Ég er sem sagt orðin amma. Hvílík dásemd,“ skrifar Ingibjörg.
Hrafnkell er yngri sonur Ingibjargar og Hjörleifs Sveinbjörnssonar, kennara og þýðanda, og fæddur árið 1985. Auk hans eiga þau soninn Sveinbjörn Hjörleifsson, sem fæddur er árið 1983.
Við óskum fjölskyldunni innilega til hamingju með litla Hrafnkels- og Þyríarsoninn.