Klemens Hannigan, annar söngvari Hatara, birti myndaröð á Instagram á sunnudag sem hefur heldur betur ruglað aðdáendur í ríminu.
Á myndunum sést eins konar hásæti sem minnir um margt á hásætið sem Matthías Tryggvi Haraldsson, hinn söngvari Hatara, er borinn á í tónlistarmyndbandinu við Hatrið mun sigra.
View this post on Instagram
Nú eru aðdáendur, til dæmis á aðdáendasíðu Hatara á Facebook, ruglaðir í ríminu yfir því hvort hásætið verði með í sýningunni í Tel Aviv um miðbik maí, en eins og flestir muna gekk Matthías inn á sviðið til sigurs í Söngvakeppninni og hásætið var víðs fjarri.
Það eru hæg heimatökin fyrir Hataraliða að brydda upp á sniðugum lausnum í sviðsmynd þar sem Klemens er útskrifaður húsgagnasmiður frá Tækniskólanum og hannaði og smíðaði sviðsmyndina í myndbandinu við Hatrið mun sigra.
