Breiðhyltingurinn Jóhann Sveinsson gengur undir ýmsum nöfnum í hverfinu sínu, þar á meðal bjargvættur og hverfishetja. Jóhann hefur nefnilega verið duglegur við það upp á síðkastið að gleðja íbúa Breiðholtsins og gera hverfið betra á ýmsa vegu.
Við á DV sögðu frá því þegar hann bauð gestum og gangandi upp á hressingu, en nýjasta uppátæki hans er að segja skemmdarvörgum stríð á hendur.
„Gamli skólinn segir skemmdarverkum stríð á hendur. Það syrgir mig að hugsa til allra strangheiðarlegu iðnaðarmannanna sem löggðu sitt af mörkum við að reisa Breiðholtið okkar frá grunni, og að vinna þeirra sé eyðilöggð með veggjakroti,“ skrifar Jóhann á Instagram við mynd af sér að mála yfir veggjakrot.
„Næstu daga og vikur er ekki ólíklegt að þið sjáið mig brosandi út að eyrum í hverfinu með málningarrúllunna á lofti. Hugsum líka um umhverfið. Góðar stundir kæru nágrannar!“
Fjölmargir Breiðhyltingar hafa deilt færslu Jóhanns í sögu sinni og eru hæstánægðir með þessa iðju hans. Þá skrifa einhverjir athugasemdir við mynd hans á Instagram.
„Fallegt og óeigingjarnt framtak frá þér góði maður og verndari Breiðholtsins,“ skrifar einn fylgjandi og annar bætir við: „Hvar væri breiðholtið án þín???“
