David Beckham ákvað að taka upp vandræði eiginkonu sinnar, Victoriu Beckham, þegar hún burðaðist með risastóran poka af appelsínum og annan minni af mangó, og nú er myndbandið komið á netið.
Í myndbandinu heyrist hve erfitt David finnst að springa ekki úr hlátri, en þau Victoria eru annálaðir spéfuglar og halda upp á tuttugu ára brúðkaupsafmæli sitt í sumar.
David sem sagt kemur eiginkonu sinni ekki til hjálpar, eins og sést í myndbandinu, ekki einu sinni þegar hún missir mangó á götuna.
Myndbandið er tekið upp í Los Angeles, en hjónin eru þar í heimsókn með börnunum sínum Romeo, sextán ára, Cruz, fjórtán ára og Harper, sjö ára. Elsti sonurinn, Brooklyn, tuttugu ára, er á tónlistarhátíðinni Coachella með kærustunni sinni, Hana Cross.