Áheyrnarprufur halda áfram í Instagram Íslands. Instagram Íslands eru nýir þættir hjá Áttan Miðlar á IGTV. Dómarar þáttarins eru Sunneva Einarsdóttir, Nökkvi Fjalar og Guðrún Veiga. Þau leita að næstu Instagram stjörnu landsins. Þessi komust áfram í topp 20.
Sjá einnig: Þessi komust áfram í topp 20 í Instagram Íslands: „Fátt meira sexí en sveitamenn“
@Emblawigum
Embla er förðunarfræðingur sem þorir að stíga út fyrir kassann. Um leið og dómararnir hafa séð nokkra sekúndu myndband af Emblu eru Sunneva og Guðrún Veiga sannfærðar.
„Við þurfum ekkert að skoða neitt meira af henni,“ segir Guðrún.
„Þetta er komið hún er komin inn,“ segir Sunneva.
Nökkvi vill þó sjá meira af henni og skoða dómararnir síðuna hennar. Embla sló í gegn hjá dómurum og komst áfram í topp 20.
@Ewelina1216
Ewelina er annar keppandinn í þætti gærkvöldsins. Hún er 21 árs, vinnur í vopnaleitinni á Keflavíkurflugvelli. Áhugamál Ewelinu eru að horfa á Netflix, borða KFC og fara í ræktina.
Nökkvi segir að hann gefur Ewelinu mínusstig fyrir að borða KFC. Sunneva segir að myndirnar hennar séu flottar en hún hati ekkert meira en þegar fólk setur ramma á myndirnar sínar. „Það má ekki lengur,“ segir Sunneva. Nökkvi tekur undir og segir: „Það eru tvö ár síðan það var inni.“
Ewelina komst áfram í topp 20.
@ErnaHornMakeup
Erna Hrönn er förðunarfræðingur. „Það er eitthvað touch sem vantar,“ segir Sunneva um Instagram Ernu. „Já það er einhver hreinleiki sem vantar,“ segir Nökkvi.
Dómararnir eru sammála um að bakgrunnar og lýsing Ernu á myndunum sé ekki á því stigi sem þau myndu vilja hafa.
Á einu myndbandinu sjást tærnar á Ernu. „Maður á að passa það finnst mér,“ segir Sunneva. „Þú vilt ekki fá skilaboð frá útlendingum bara: „Ó mig langar að sleikja þessar.““
Sjá einnig: Sunnevu boðinn peningur fyrir tásumynd: „Mig langar að sleikja þessar“
Erna komst ekki áfram.
@Kristaketo
Næsti keppandi er María Krista. Hún deilir miklu tengdu lágkolvetnabakstri. María er 45 ára, þriggja barna móðir og amma.
Dómararnir eru mjög hrifnir af Maríu Kristu og komst hún áfram í topp 20.
@Bandidogeg
View this post on Instagram
21.4 kg turkey !!!! #turkey #21.5kg #bandidogeg #food #huge #omg #turkey2018 #farmraised #farm
Kamilla er 29 ára gömul og elskar að búa til fallegan og góðan mat.
Guðrún Veiga segist vera mjög hrifin af Kamillu. „Það er ekki auðvelt að taka fallegar matarmyndir,“ segir Nökkvi og bætir við að hann er spenntur að sjá meira af henni. Kamilla komst áfram í topp 20.
@LjosbraLofts
View this post on Instagram
Stjórnó var eitthvað annað skemmtilegt ?? Jónsi kann þetta og hefur alltaf gert ??❤️
Ljósbrá Loftsdóttir er 18 ára og frá Selfossi. Dómararnir horfa á myndband af Ljósbrá syngja og hrósa henni fyrir góðan söng. „Einlæg stelpa, krúttleg,“ segir Nökkvi.
Guðrún Veiga segir já en Nökkvi og Sunneva segja nei. Ljósbrá komst ekki áfram.
@RakelHlyns
View this post on Instagram
Aldrei verið svona motiveruð ( reyndar drullu góð lýsing og kjellan er auðvitað að spenna ☄️
Rakel Hlynsdóttir er næsti keppandi. Rakel leggur mikla vinnu í heilsu og mataræði.
„Er þetta tekið upp á ristavél,“ segir Sunneva. En hún á við gæði myndbands Rakelar.
„Hún er mjög flott sko,“ segir Sunneva.
„Það vantar aðeins meiri vinnu í efnið hennar og kannski nýjan síma.“
Rakel komst áfram í topp 20.
@LjosbraMist
Ljósbrá er 23 ára einkaþjálfaranemi frá Reykjanesbæ. Dómararnir eru strax hrifnir af Ljósbrá.
„Hún er ótrúlega social media,“ segir Nökkvi.
Ljósbrá komst áfram í topp 20.
@StefanOliPhotography
Stefán Óli er 23 ára og hefur áhuga á íþróttum, náttúru, útiveru og myndavélum.
Dómararnir skoða myndirnar hans Stefán Óla.
„Mjög dark og sexy,“ segir Nökkvi.
Guðrún Veiga er ekki hrifin af því sem Stefán Óli setur undir myndirnar sínar, svokölluð „quotes.“
Stefán Óli komst áfram í topp 20.
