Framlag okkar Íslendingar til Júróvisjón í ár er vinsælasta framlag Norðurlandanna, ef marka má yfirstandandi könnun á vinsæla Júróvisjón-vefnum Wiwiblogs.
Öll Norðurlöndin hafa valið sín framlög en Hatari skarar töluvert fram úr samkvæmt þessari könnun. Næst á eftir Hatara kemur tríóið KEIINO frá Noregi með lagið Spirit in the sky, sem er mjög klassískt og hresst Júróvisjón lag sem margir hafa talað um að minn ögn á hljómsveitina Aqua sem var vinsæl á tíunda áratug síðustu aldar.
Á wiwiblogs segir um íslenska framlagið:
Það er engin þörf á að kynna Hatara sem hafa sett mark sitt á keppnina til frambúðar einfaldlega með því að taka þátt. Þeir eru tilbúnir undir átök og þyrma engum með hráu og heillandi lagi sínu, íklæddir leðri og latex. Mun hatrið sigra og gefa Íslandi sæti á úrslitakvöldinu ?
Veðbankarnir úti hafa þó minni trú á hatrinu og spá því að Svíþjóð verði efst Norðurlandanna með laginu Too late for love með söngvaranum John Lundvik, sem væntanlega myndi heita Jón Lúðvík eða Jón Lundvík á Íslandi.
Framlag Noregs
Framlag Svíþjóðar