Glamúrfyrirsætunni Öldu Guðrúnu Jónasdóttur, sem gengur vanalega undir nafninu Alda Coco, gengur vel í keppni á vegum tímaritsins Jet Set. Fjöldi kvenna etur þar kappi og er vinningurinn að prýða forsíðu blaðsins.
DV sagði frá þátttöku Öldu fyrir stuttu, en hún hefur hlotið gríðarlega góða kosningu og er komin áfram á næsta stig keppninnar. Hún er í fyrsta sæti í sínum riðli eins og er og færist því nær því að uppfylla drauma sína um að vera forsíðustúlka Jet Set.
Í samtali við DV hvetur Alda landsmenn til að kjósa, en hver sá sem kýs fær eitt ókeypis atkvæði á dag. Allt umfram það þarf að borga fyrir og rennur peningurinn til góðgerðarmála.
Sex dagar eru eftir af kosningu til að ákvarða topp fimm konur úr hverjum flokki. Þegar að þeirri kosningu lýkur tekur við önnur kosning, en Alda veit sjálf ekki í hverju næsta umferð felst.
Smellið hér til að kjósa Öldu.