Paris Jackson, dóttir poppkóngsins sáluga Michael Jackson, var flutt á spítala í Los Angeles fyrr í dag eftir að hún reyndi að svipta sig lífi.

Miðillinn TMZ segir frá því að lögregla og sjúkraliðar hafi verið kallaðir að heimili hennar klukkan 7.30 í morgun að staðartíma og að Paris hafi skorið sig á púls.

Samkvæmt TMZ er líðan hennar stöðug en að Paris hafi misst mikið blóð. Hún gæti því verið á sjúkrahúsi í allt að 72 klukkutíma.

Sjá einnig: Segir hjónabandið við Michael Jackson hafa verið blekkingu: „Ég var sú sem sagði við hann: „Ég skal eignast börnin þín“

Í frétt TMZ staðfestir talsmaður lögreglunnar í Los Angeles að lögregla hafi verið kölluð að íbúð í Los Angeles vegna sjálfsvígstilraunar.

Paris opnaði sig upp á gátt árið 2017 í viðtali við Rolling Stone og sagðist hafa reynt að svipta sig lífi oft. Í janúar á þessu ári leitaði hún sér hjálpar vegna andlegra veikinda, en lífið hefur reynst henni erfitt síðan faðir hennar lést fyrir áratug.

Uppfært: Paris Jackson sakar miðilin TMZ um lygar og hafnar því að hafa verið lögð inn á sjúkrahús. TMZ stendur samt við frétt sína nema hefur nú uppfært fréttina þar sem segir nú að Paris sé komin heim af sjúkrahúsinu í umsjón aðstandenda.

https://twitter.com/ParisJackson/status/1107009409136246784

Sjá einnig: Börn Michael Jackson: Hvar eru þau núna?