Kvennaskólinn í Reykjavík vann nauman sigur í Gettu Betur í gærkvöldi á móti Menntaskólanum í Reykjavík.
Lið Kvennaskólans skipuðu þau Hlynur Ólafson, Berglind Bjarnadóttir og Fjóla Ósk Guðmannsdóttir, en sú síðarnefnda skrifaði tíst í gær sem hefur vægast sagt farið víða á þeim nokkru klukkustundum sem liðnar eru síðan Fjóla lyfti verðlaunagripnum góða, Hljóðnemanum.
„Þegar ég var yngri hélt ég að stelpur gætu ekki tekið þátt í Gettu betur, nú hef ég sigrað keppnina tvisvar sinnum!“ skrifar Fjóla, en hún var einnig í liði Kvennaskólans sem fór með sigur af hólmi í keppninni árið 2017.
Þegar ég var yngri hélt ég að stelpur gætu ekki tekið þátt í Gettu betur, nú hef ég sigrað keppnina tvisvar sinnum! #gettubetur pic.twitter.com/nkxTHJEyG9
— Fjóla Ósk (@FjolaOsk) March 15, 2019
Þegar þetta er skrifað er búið að líka við tístið hennar Fjólu tæplega tólf hundruð sinnum og endurtísta því hátt í sextíu sinnum.