Skemmtilegt myndband var birt í gær á YouTube-rásinni Das Radikal Iceland þar sem búið er að klippa saman ýmsa veðurfréttatíma frá árinu 1992.
Er um að ræða frábæra heimild þegar kemur að óútreiknanlegu veðri á Íslandi, því eins og sést í myndbandinu var hitamet slegið í janúar þegar að hiti fór upp í 18°C. Það leiddi til vatnavaxta með tilheyrandi flóðum, einkum í Borgarfirði, og hávaðarok fylgdi svo í kjölfarið.
Annað var uppi á teningnum í júní það árið þegar að snjóaði mjög mikið og þurfti að leita aftur til ársins 1959 til að finna annað eins veður um hásumar.
Hér fyrir neðan má sjá myndbandið umrædda: