Sápuóperuleikarinn og Beverly Hills 90210-stjarnan Jed Allan er látinn. Sonur hans, Rick Brown, segir frá þessu í einlægri færslu á Facebook á aðdáendasíðu föður síns.
„Svo leiðinlegt að deila mjög sorglegum fréttum um andlát föður míns í kvöld,“ skrifar Rick og heldur áfram. „Hann var umkringdur fjölskyldu og elskaður af okkur og svo mörgum öðrum.“
Jed var 84 ára þegar hann lést. Hann er hvað þekktastur fyrir að leika Don Craig í sápunni Days of Our Lives, C. C. Capwell í Santa Barbara og föður Steve Sanders, Rush Sanders, í Beverly Hills 90210.
Ian Ziering, sem lék Steve Sanders í þáttunum, skrifar fallega kveðju til skjáföður síns á Instagram.
„Svo sorglegt að heyra að við höfum misst annan bekkjarfélaga úr 90210,“ skrifar Ian og vísar í þær sorglegu fréttir sem bárust í síðustu viku að Luke Perry væri látinn. „Ég var svo heppinn að vinna með Jed Allan frá ’94 til ’99. Hann lék Rush Sanders, föður Steve. Það var frábært að vinna með honum. Hans verður saknað.“
https://www.instagram.com/p/Bu1fhbLHAr-/?utm_source=ig_embed