Fyrirsætan Bryndís Gyða Michelsen gerði sér lítið fyrir og var dúx úr lagadeild Háskólans í Reykjavík, en útskriftin fór fram í gær að viðstöddu fjölmenni.
Bryndís var afburðanemandi og var fjórum sinnum á forsetalista skólans, en þá viðurkenningu þá afburðanemendur hans. Líkur eru á að Bryndís muni láta mikið að sér kveða þegar hún útskrifast.
Bryndís vakti fyrst athygli fyrir að sitja fyrir, seinna stofnaði hún, ásamt Kristrúnu Ösp Barkardóttur og Kiddu Svarfdal, kvennavefinn hun.is. Náði sá vefur strax miklu flugi en Bryndís sagði skilið við vefinn og minna fer fyrir honum í dag. Bryndís var áberandi í íslenskum fjölmiðlum og var vinsæll pistlahöfundur en hefur haldið sig til hlés síðustu ár og einbeitt sér að náminu.
Bryndís er gift Gísla Kr. Katrínarsyni, sem starfar sem verkefna- og vörustjóri skýjalausna hjá Advania og eiga þau tvo syni.