Leikkonan Lisa Kudrow, sem lék Phoebe í þáttunum Friends, fékk kveðjugjöf frá samleikara sínum Matthew Perry, sem lék Chandler, þegar að tökum á þáttunum lauk árið 2004. Nú hefur Lisa birt mynd af gjöfinni á Instagram-síðu sinni.

Um er að ræða kökukrús sem lítur út eins og klukka, en frægt er þegar að Phoebe hélt því fram að amma sín hefði bakað bestu smákökur í heimi.

https://www.instagram.com/p/BuUzeM3nUQw/?utm_source=ig_embed

Lisa tjáði sig um gjöfina í samtali við Comedy Central seinnipart síðasta árs, en sagan á bak við hana er skemmtileg.

„Það er kökukrús sem var í íbúð Monicu og Rachel og það er mynd af klukku á henni,“ sagði hún þá. „Hann gaf mér hana því ég var að leika í senu og átti að segja: „Úps, sjáið hvað tímanum líður, ég verð að fara!“ En ég var ekki með úr, því við höfðum æft þetta en enginn spáði í því. Svo vorum við í tökum og áhorfendur voru þarna. Við vorum að fara að taka upp atriðið og ég er alveg að fara að segja „Sjáið hvað tímanum líður“. En ég sé ekki úr. Það er enginn klukka neins staðar,“ bætti Lisa við. Þá kom kökukrúsin sterk inn.

„Þannig að ég benti á kökukrúsina og sagði: „Sjáið hvað tímanum líður, ég verð að fara!“