„Fiskisúpan er ástæðan fyrir því að ég kom hingað,“ segir sænska YouTube-stjarnan Felix Kjellberg, sem gengur undir nafninu PewDiePie.
Felix ákvað að kíkja til Íslands á dögunum og eyða þar Valentínusardeginum með unnustu sinni, YouTube-stjörnunni Marziu Bisognin. Þau höfðu einu sinni áður staldrað við árið 2017 til að fagna sex ára sambandsafmæli sínu.
Meðal þess sem þau Felix og Marzia gerðu var að fara í Hallgrímskirkju, Hörpu og Bláa lónið, auk þess sem þau litu við hjá Gullfossi og Geysi. Myndbandið með Valentínusarferð parsins hefur verið skoðað rúmlega fimm milljón sinnum, en Felix er með hátt í 86 milljónir fylgjendur á rás sinni.
Hér að neðan má sjá myndbandið af fyrri heimsókn parsins.