Hin ástsæla leikkona Edda Björgvinsdóttir birtir ansi skemmtilegt myndband á Facebook-síðu sinni. Um er að ræða gamalt grínatriði þar sem Edda og leikarinn Eggert Þorleifsson bregða sér í hlutverk þáverandi sendiherrahjóna, Bryndísar Schram og Jóns Baldvins Hannibalssonar.
Atriðið fjallar um hvernig Bryndís nái að spara svo mikið í matarinnkaupum og nefnir hún til dæmis ríkisstjórnarmálsverði, sem hjónin þurfa ekki að borga fyrir. Síðan er fast skotið á Bryndísi og Jón þegar hún segir: „Á sunnudögum erum við oftast með smyglað.“
Er þetta vísan í smyglmál sem kom upp sumarið 1993 þegar að tollgæslan á Keflavíkurflugvelli lagði hald á tvö til þrjú kíló af hráu svínakjöti í farangri Bryndísar og Jóns Baldvins.
Birtir Edda myndbandið í kjölfar umræðu síðustu daga um meint brot Jóns Baldvins gegn fjölda kvenna, þar á meðal dóttur sinnar, Aldísar Schram.
Myndbandið má sjá hér fyrir neðan:
Sjá einnig:
Jón Baldvin kemur femínisma til varnar: „Dæmigert fyrir karlaveldið“