Það vakti mikla athygli hér á landi í febrúar árið 2016 þegar Hótel Adam seldi gestum sínum vatn á 400 krónur kom úr sömu krönum og gestir hótelsins höfðu verið varaðir við að drekka úr. Hótelið uppskar mikla gagnrýni fyrir þetta en svo virðist vera sem aðrir ferðamannastaðir hafi ekki lært af þessu.
Facebook-síðan Íslendingar síðkapítalismans deildi mynd í dag sem sýnir það hversu mikil græðgin getur verið í ferðaþjónustunni.
Eins og sjá má á myndinni hefur þessi ferðamannastaður tekið upp á því að rukka heilar 300 krónur fyrir heitt vatn. Telst það vægast sagt óeðlilegt þar sem vatnið kemur að öllum líkindum úr krananum auk þess sem kostnaðurinn við það að hita upp vatnið er hlægilega lítill. Þessi ferðamannastaður hefur líka gengið langt í merkingum á brúsanum til að vekja athygli á því að heita vatnið sé sko alls ekki ókeypis með stórum merkingum á 2 mismunandi tungumálum.
Hvað segir þú lesandi góður, er þetta hámark græðginnar?