Fyrir tæpum fjórum árum síðan bjó Árni Steinn Viggósson á götunni í Malasíu í einn sólarhring. Þetta gerði hann rúmlega tvítugur í reisu sinni um Asíu til að kynnast lífsviðhorfi þeirra sem glíma við sárafátækt.
„Til þess að opna augun mín, og vonandi ykkar, enn frekar ætla ég að lifa lífinu þeirra á morgun. Klukkan 10 í fyrramálið held ég út til nýju vina minna, vopnaður stuttbuxunum einum. Meðal annars vegna þess að ég er hræddur um að vera rændur hafi ég einhver verðmæti með mér. Næstu 24 tímana mun ég síðan betla mér til matar og húsaskjóls.“
Þetta sagði Árni í Facebook-færslu um athæfi sitt sem vakti gríðarlega athygli á sínum tíma en þónokkrir fjölmiðlar fjölluðu um málið.
„Með þessu langar mig að kynnast lífsviðhorfi fólksins sem býr við þessar aðstæður og kynnast því góða fólki sem lifir án græðgi og í fullkominni sátt við lífið sjálft“
Ljóst er að í dag er Árni á allt öðrum stað en á götum Malasíu. Hann var á dögunum að opna veitingastaðinn Spes Kitchen sem sérhæfir sig í grænmetis og vegan-réttum. Staðurinn er staðsettur í Granda-mathöll.
Árni talaði um nýja staðinn í Viðskiptablaðinu á dögunum. Þar sagði hann að Spes kitchen myndi bjóða upp á mat sem bæði vær góður fyrir veskið og umhverfið.
„Markmiðið með staðnum er að fleiri muni borða vegan og fá fólk til að opna augun fyrir þeim ævintýralega heimi bragðlaukanna sem vegan býður upp á. Það er mikil misskilningur að vegan fæði sé ekki próteinríkt og ekki sé hægt að bæta á sig vöðvum eða stunda íþróttir,“
„Við ætlum að auðvelda aðgengi að vegan mat með því að bjóða upp á góða og næringarríka rétti sem eru auðveldir staðgenglar hefðbundinna rétta sem innihalda dýraafurðir.“
https://www.facebook.com/1172078999/posts/10208613397630353/