Fyrrum America‘s Got Talent dómarinn Howard Stern trúir því að það sé Simon Cowell að kenna að fyrrum meðdómari hans, Gabrielle Union, var rekin.
Samkvæmt fyrstu fregnum kom fram að Gabrielle Union og meðdómari hennar Julianne Hough myndu ekki halda áfram í næstu þáttaröð. Síðan greindi Variety frá því að þær myndu ekki halda áfram vegna eitraðrar vinnumenningar og að Gabrielle var rekin fyrir að tilkynna um rasískan brandara sem spjallþáttastjórnandinn Jay Leno.
Howard Stern var dómari í þáttunum frá 2012 til 2015. Hann telur að Simon Cowell sé sökudólgurinn í þessu öllu saman.
„Hann hefur sett þetta þannig upp að karlmenn fá að halda áfram, sama hversu gamlir þeir eru, eða feitir, ljótir og hæfileikalausir þeir eru,“ segir Howard í útvarpsþætti sínum í gær.
„En það sem hann er stöðugt að gera í sínum þáttum er að hann skiptir út heitum gellum með heitari og yngri gellum. Sem er svo augljóst.“
Howard Stern bendir þá á að Simon Cowell og meðdómari hans Howie Mandel voru áfram eftir þrettándu þáttaröð, en dómurunum Mel B og Heidi Klum var skipt út fyrir Gabrielle Union og Julianne Hough. Hvorugar þeirra halda svo áfram.
„Þetta er endanlegt dæmi um strákaklúbb – tvær þáttaraðir í röð þar sem kvenkyns dómarar eru reknir á meðan Simon og Howie halda áfram,“ segir hann og bætir við að Tyru Banks var skipt út sem kynni fyrir Terry Crews fyrir fjórtándu þáttaröð AGT.
„Það er eitt ef þú rekur alla, en af hverju er stöðugt skipt út konunum í þáttunum?“ Segir Howard.