Högni Egilsson, yfirleitt kenndur við hljómsveitina Hjaltalín, kemur með áhugaverða greiningu á Samherjamálinu á Twitter. Þar spáir hann því að mútumálið í Namibíu muni leiða til endaloka fyrirtækisins.
„Ég spái því að Samherji verði ekki fyrirtæki eftir 12 mánuði. Allir erlendir samstarfsaðilar hvítþvo sig frá þessu alþjóðlega spillingarmáli og í fljótu bragði dvína viðskipti og fjárhagur þurrkast upp,“ skrifar Högni.
Hann segir að þar sem fyrirtækið er með í starfsemi í Bandaríkjunum þá gæti það verið dregið til saka þar. „Ofaná það hefur SH starfsemi í Ameríku og versla með ameríska dollara sem þýðir að fyrirtækið fellur undir amerísk lög. „The Foreign Corruption Practise Act“ FCPA, lög sem sett voru 1977, hindrar amerískum fyrirtækjum að spilla erlendum embættismönnum og og felur það undir „the Department of Justice“ að dæma í þeim málum. Þetta mál er augljóslega komið inná borð til þeirra, sem gæti þýtt allt uppí 5 ár af fangelsi og sekt sem nemur 3 falt á þann gróða sem múturnar sköpuðu,“ segir Högni.
Sumir hafa lýst yfir efasemdum um að íslenskt dómskerfi hafi burði í að taka á Samherjamálinu vegna tengsla fyrirtækisins við stjórnmálamenn. Högni telur að það muni ekki bjarga fyrirtækinu og segir að lokum um mögulega rannsókn Bandaríkjamanna: „Og þú hringir ekki í gamlan vin til að redda þér úr svoleiðis máli!“
Samherji P.1 Ég spái því að Samherji verði ekki fyrirtæki eftir 12 mánuði. Allir erlendir samstarfsaðilar hvítþvo sig frá þessu alþjóðlega spillingarmáli og í fljótu bragði dvína viðskipti og fjárhagur þurrkast upp. …
— Hogni Egilsson (@hogniegilsson) December 2, 2019