Fyrirtækið Heimsveldið ehf. er gjaldþrota og er skiptum lokið. Samkvæmt Lögbirtingablaðinu voru lýstar kröfur í þrotabúið rétt rúmlega 2,7 milljónir. Engar eignir fundust í búinu og var skiptum lokið 10. október síðastliðinn. Heimsveldið sá um framleiðslu á kvikmyndum, myndböndum og sjónvarpsefni og var eigandi þess Hugi Halldórsson. Hugi er vel þekktur í íslensku þjóðlífi og rak til að mynda framleiðslufyrirtækið Stórveldið sem lagði upp laupana árið 2016 eftir öran vöxt. Hugi vakti fyrst athygli landsmanna sem Ofur-Hugi í skemmtiþáttunum 70 mínútur á Popptíví.